வங்கி, நிதித் துறை பங்குகள் அதிகம் விற்பனை: சென்செக்ஸ் சரிவு

இந்த வாரத்தின் இரண்டாவது வர்த்தக தினமான செவ்வாய்க்கிழமை தள்ளாடிய பங்குச்சந்தை இறுதியில் எதிர்மறையாக முடிந்தது.

- நமது நிருபர்

மும்பை/புதுதில்லி, ஆக. 12: இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் சரிவுடன் முடிவடைந்தன.

உலகளாவிய சந்தைக் குறிப்புகள் எதிர்மறையாக இருந்தன. இதன் தாக்கத்தால் உள்நாட்டுச் சந்தை சரிவுடன் தொடங்கினாலும், பின்னர் முன்னணி பங்குகளுக்கு கிடைத்த வரவேற்பால் மேலே சென்றது. ஆனால், பிற்பகல் வர்த்தகத்தின் போது வங்கி, நிதி நிறுவனங்கள், ரியால்ட்டி, எஃப்எம்சிஜி நிறுவனப் பங்குகள் அதிகம் விற்பனைக்கு வந்ததால் இறுதியில் சரிவு தவிர்க்க முடியாததாகியது என்று பங்கு வர்த்தகத் தரகு நிறுவனங்கள் தெரிவித்தன.