தண்டனை விதிக்கப்பட்ட போலீஸாருக்கு பிணை வழங்க மறுப்பு

தூத்துக்குடியில் கடந்த 24 ஆண்டுகளுக்கு முன்னர் நடைபெற்ற காவல் நிலைய மரணம் தொடர்பான வழக்கில் தண்டனை விதிக்கப்பட்ட துணைக் காவல் காணிப்பாளர் உள்ளிட்ட போலீஸாருக்கு பிணை வழங்க மறுத்து, சென்னை உயர்நீதிமன்ற மதுரை அமர்வு புதன்கிழமை உத்தரவிட்டது.

- 

மதுரை, ஜூலை 23:

தூத்துக்குடி அருகேயுள்ள மேல அலங்காரத்தட்டு கிராமத்தைச் சேர்ந்தவர் வின்சென்ட். உப்பளத் தொழிலாளியான இவரை நாட்டு வெடிகுண்டு வைத்திருந்ததாக தாளமுத்துநகர் போலீஸார் கடந்த 17-9-1999 அன்று கைது செய்தனர். விசாரணைக் கைதியாக காவல் நிலையத்தில் இருந்த அவர், அதற்கு அடுத்த நாள் (18-9-1999) மர்மமான முறையில் உயிரிழந்தார். விசாரணைக்காக தனது கணவரை அழைத்துச் சென்ற தாளமுத்துநகர் காவல் நிலைய போலீஸார் அவரை அடித்துக் கொலை செய்துவிட்டதாக வின்சென்ட் மனைவி புகார் தெரிவித்தார்.