கிணற்று நீரை விலைக்கு வாங்கிப் பாய்ச்சும் விவசாயிகள்

புகழூர் வாய்க்காலில் தூர்வாரும் பணிக்காக தண்ணீர் திறப்பது நிறுத்தப்பட்டுள்ளதால் அப்பகுதிகளில் உள்ள விவசாயிகள் கிணற்று நீரை விலைக்கு வாங்கி பயிர்களுக்கு பாய்ச்சும் நிலை ஏற்பட்டுள்ளதாக விவசாயிகள் குற்றஞ்சாட்டியுள்ளனர்.

- 

கரூர், மே 29:

ஈரோடு மாவட்டம் நொய்யலை அடுத்த காரணம்பாளையத்தில் காவிரி ஆற்றின் குறுக்கே கட்டப்பட்டிருக்கும் தடுப்பணையில் இருந்து பிரிந்து புகழூர் வாய்க்கால் செல்கிறது. காரணம்பாளையத்தில் இருந்து காவிரி ஆற்றோரம் கொடுமுடி, நொய்யல், சேமங்கி, நடையனூர், புகழூர், புஞ்சைக்கடம்பங்குறிச்சி வரை பாய்ந்து ஓடும் புகழூர் வாய்க்கால் மூலம் சுமார் 10,000 ஏக்கர் நிலங்கள் பாசன வசதி பெறுகின்றன. புகழூர் வாய்க்காலை நம்பி அப்பகுதி விவசாயிகள் வெற்றிலை, நெல், வாழை, கரும்பு ஆகியவற்றை அதிகளவில் பயிரிட்டு வருகிறார்கள்.