இந்தியா-சிலி வர்த்தக ஒப்பந்தப் பேச்சு தொடக்கம்

இருநாட்டுத் தலைவர்கள் கூட்டாக அறிவிப்பு

- 

புது தில்லி, ஏப். 1: இந்தியா-சிலி இடையே விரிவான பொருளாதார ஒத்துழைப்புக்கான வர்த்தக ஒப்பந்தம் குறித்த பேச்சுவார்த்தையைத் தொடங்குவதாக இருநாட்டுத் தலைவர்களும் செவ்வாய்க்கிழமை கூட்டாக அறிவித்தனர்.

லத்தீன் அமெரிக்க நாடுகளில் ஒன்றான சிலி நாட்டின் அதிபர் கேப்ரியல் போரிக் ஃபான்ட் 5 நாள்கள் அரசுமுறைப் பயணமாக இந்தியா வந்துள்ளார். அவருடன் சிலி நாட்டு அமைச்சர்கள், நாடாளுமன்ற உறுப்பினர்கள், மூத்த அதிகாரிகள் மற்றும் வணிகத் தலைவர்கள் ஆகியோரும் இந்தியா வந்துள்ளனர்.

இந்நிலையில், தில்லியில் பிரதமர் நரேந்திர மோடி, சிலி அதிபர் கேப்ரியல் போரிக் ஃபான்ட் பங்கேற்ற இருதரப்பு சந்திப்பு செவ்வாய்க்கிழமை நடைபெற்றது.