அல்கராஸ் முன்னேற்றம்; கௌஃப், பாலினிக்கு அதிர்ச்சி

அமெரிக்காவில் நடைபெறும் டியன் வெல்ஸ் ஓபன் டென்னிஸ் போட்டியில், நடப்பு சாம்பியன் ஸ்பெயினின் கார்லோஸ் அல்கராஸ் காலிறுதிச்சுற்றுக்கு ஞாயிற்றுக்கிழமை முன்னேறினார். முன்னாள் சாம்பியனான அமெரிக்காவின் டெய்லர் ஃப்ரிட்ஸ் வெளியேற்றப்பட்டார்.

- 

டியன் வெல்ஸ், மார்ச் 13:

ஆடவர் ஒற்றையர் 4-ஆவது சுற்றில், உலகின் 3-ஆம் நிலை வீரர் அல்கராஸ் 6-1, 6-1 என்ற நேர் செட்களில் பல்கேரியாவின் கிரில் டமிட்ரோவை எளிதாக சாய்த்தார். இவர்களின் நேருக்கு நேர் கணக்கில் தற்போது அல்கராஸ் 4-2 என முன்னிலை வகிக்கிறார். கடந்த இரு சந்திப்புகளில் டமிட்ரோவிடம் தோல்வி அடைந்திருந்த அல்கராஸ், அதிலிருந்து தற்போது மீண்டிருக்கிறார்.

15 வெற்றிகள்:

இண்டியன் வெல்ஸ் ஓபனில் தற்போது வரை 15 வெற்றிகளைப் பதிவு செய்திருக்கும் அல்கராஸ், தொடர் வெற்றிகளைப் பதிவு செய்தோர் வரிசையில் நோவக் ஜோகோவிச் (19), ஃபெடரருக்கு அடுத்தபடியாக 3-ஆவது இடத்தில் உள்ளார்.

காலிறுதிக்கு முன்னேறியிருக்கும் அல்கராஸ், அதில் ஆர்ஜென்டினாவின் ஃப்ரான்சிஸ்கோ செருண்டோவுடன் மோதுகிறார்.

போட்டித்தரவரிசையில் 25-ஆம் இடத்தில் இருக்கும் செருண்டோ 7-5, 6-3 என்ற நேர் செட்களில் 9-ஆம் இடத்தில் இருந்த ஆஸ்திரேலியாவின் அலெக்ஸ் டி மினாரை சாய்த்து காலிறுதிக்கு முன்னேற்றம் கண்டிருக்கிறார். இவர்களின் நேருக்கு நேர் கணக்கில் செருண்டோ 6-1 ஆதிக்கம் செலுத்துகிறார்.

முன்னாள் சாம்பியன் தோல்வி: