தொகுதி மறுசீரமைப்பு கூட்டுக் குழு: சித்தராமையாவுக்கு அழைப்பு

தொகுதி மறுசீரமைப்பு தொடர்பான கூட்டு நடவடிக்கைக் குழு கூட்டத்தில் பங்கேற்க வருமாறு கர்நாடக முதல்வர் சித்தராமையாவை சந்தித்து தமிழக முதல்வர் மு.க.ஸ்டாலின் சார்பில் அமைச்சர் க.பொன்முடி அழைப்பு விடுத்தார்.

- 

பெங்களூரு/சென்னை, மார்ச் 12:

தொகுதி மறுசீரமைப்பு தொடர்பாக கூட்டு நடவடிக்கைக் குழு அமைப்பது தொடர்பாக விவாதிக்க மார்ச் 22-ஆம் தேதி சென்னையில் அனைத்துக் கட்சிக் கூட்டத்துக்கு முதல்வர் மு.க.ஸ்டாலின் ஏற்பாடு செய்திருக்கிறார். இந்தக் கூட்டத்தில் கலந்துகொள்ள அழைப்பு விடுப்பதற்காக பல்வேறு மாநிலங்களுக்கு திமுக பிரதிநிதிகள் அனுப்பிவைக்கப்பட்டுள்ளனர்.

பெங்களூருக்கு புதன்கிழமை வந்த தமிழக வனத் துறை அமைச்சர் க.பொன்முடி, மாநிலங்களவை உறுப்பினர் அப்துல்லா ஆகியோர் கர்நாடக முதல்வர் சித்தராமையா, துணை முதல்வர் டி.கே.சிவகுமார் ஆகியோரை தனித்தனியாகச் சந்தித்து மார்ச் 22-ஆம் தேதி நடக்கக் கூடும் கூட்டு நடவடிக்கைக் குழுக் கூட்டத்தில் கலந்துகொள்ளுமாறு முதல்வர் மு.க.ஸ்டாலின் சார்பில் அழைப்பு விடுத்தனர்.