கொல்கத்தா உயர்நீதிமன்ற நீதிபதி உச்சநீதிமன்ற நீதிபதியாக நியமனம்

மேற்கு வங்க மாநிலம், கொல்கத்தா உயர்நீதிமன்ற நீதிபதி ஜயமால்ய பாக்சி (58), உச்சநீதிமன்ற நீதிபதியாக திங்கள்கிழமை நியமிக்கப்பட்டார்.

- 

புது தில்லி, மார்ச் 10:

ஜயமால்ய பாக்சியின் பதவி உயர்வுக்கு உச்சநீதிமன்ற தலைமை நீதிபதி சஞ்சீவ் கன்னா தலைமையிலான 5 உறுப்பினர்களைக் கொண்ட கொலீஜியம் கடந்த வியாழக்கிழமை (மார்ச் 6) பரிந்துரைத்திருந்தது.

இந்நிலையில், மத்திய சட்டத்துறை அமைச்சர் அர்ஜுன் ராம் மேக்வால் திங்கள்கிழமை வெளியிட்ட எக்ஸ் பதிவில், உச்சநீதிமன்ற நீதிபதியாக ஜயமால்ய பாக்சியின் நியமனம் குறித்த கொலீஜியத்தின் பரிந்துரையை மத்திய அரசு ஏற்றுள்ளதாக அதிகாரபூர்வ அறிவிப்பை வெளியிட்டார்.