நீச்சல் குளங்கள், ஹோட்டல்கள், பிற வணிக நடவடிக்கைகள் மீதான விதிமுறைகளைத் திரும்பப் பெற்றது தில்லி அரசு

நீச்சல் குளங்கள், உணவகங்கள், ஹோட்டல்கள், டிஸ்கோதேக்குகள், விடியோ கேம் பார்லர்கள், பொழுதுபோக்கு பூங்காக்கள் மற்றும் கலையரங்குகள் உள்ளிட்ட ஏழு வணிக நடவடிக்கைகளை நிர்வகிக்கும் விதிமுறைகளை தில்லி அரசு உடனடியாக திரும்பப் பெற்றுள்ளது என்று ஒரு அறிவிப்பில் தெரிவிக்கப்பட்டுள்ளது.

- 

புது தில்லி, ஜூலை 1:

உள்துறை அமைச்சகம் வெளியிட்ட அறிவிப்பின்படி, இந்த நடவடிக்கை ஜூன் 19, 2025 தேதியிட்ட தில்லி துணை நிலை ஆளுநர் வி.கே. சக்சேனாவின் உத்தரவைப் பின்பற்றுகிறது.

தில்லி போலீஸ் சட்டம், 1978-இன் பிரிவு 282 உடன் பிரிவு 4-இன் கீழ் அதிகாரங்களைப் பயன்படுத்தும் துணை நிலை ஆளுநர், அதே சட்டத்தின் பிரிவு 281-இன் கீழ் இந்த வணிக நடவடிக்கைகளை ஒழுங்குபடுத்துவதற்காக காவல்துறை ஆணையருக்கு வழங்கப்பட்ட முந்தைய அனுமதியை திரும்பப் பெற்றுள்ளார்.