காவிரியிலிருந்து 4 மாதங்களுக்கு 10 டி.எம்.சி. நீர் திறக்க தமிழகம் வலியுறுத்தல்

உச்சநீதிமன்ற உத்தரவுப்படி தமிழகத்திற்கு பிப்ரவரி முதல் மே வரையில் மாதந்தோறும் 2.5 டி.எம்.சி. என்ற அளவில் 10 டி.எம்.சி. தண்ணீரை கர்நாடக அரசு திறந்துவிடுவதை உறுதி செய்யுமாறு காவிரி நீர் மேலாண்மை ஆணையத்தை தமிழக அரசு வெள்ளிக்கிழமை வலியுறுத்தியது.

- நமது நிருபர்

காவிரி நீர் மேலாண்மை ஆணையத்தின் 48-ஆவது கூட்டம் தில்லியில் வெள்ளிக்கிழமை நடைபெற்றது. ஆணையத்தின் உறுப்பினர்களான தமிழகம், கர்நாடகம், கேரளம் மற்றும் புதுச்சேரி அரசுகளுக்கு அழைப்பு விடுக்கப்பட்டு இக்கூட்டம் நடைபெற்றது. ஆணையத்தின் சில உறுப்பினர்கள் காணொலி வாயிலாகக் கூட்டத்தில் பங்கேற்றனர்.