வல்வில் ஓரி விழா: சிலைக்கு மாலை அணிவித்து மரியாதை

கொல்லிமலையில் உள்ள வல்வில் ஓரி மன்னர் சிலைக்கு பல்வேறு அமைப்பினர் சனிக்கிழமை மாலை அணிவித்து மரியாதை செலுத்தினர்.

- 

நாமக்கல், ஆக. 2:

நாமக்கல் மாவட்டம், கொல்லிமலையை ஆண்ட கடையேழு வள்ளல்களில் ஒருவரான வல்வில் ஓரிக்கு 1975-ஆம் ஆண்டு அப்போதைய தமிழக முதல்வராக இருந்த மு.கருணாநிதி, கொல்லிமலை செம்மேடு பேருந்து நிலையம் எதிரே உருவச்சிலையை அமைத்தார்.

ஆண்டுதோறும் ஆக.2,3 ஆகிய இரண்டு நாட்கள் வல்வில் ஓரியின் சிறப்பை விவரிக்கும் வகையிலான விழா கொண்டாடப்படுகிறது. வில்வித்தையில் சிறந்து விளங்கிய ஓரி மன்னரின் புகழை பரப்பும் வகையில் பள்ளி, கல்லூரி மாணவ, மாணவிகள் பங்கேற்கும் வில்வித்தை போட்டியும் நடைபெறும்.