கர்நாடக காங்கிரஸின் எம்.பி., 3 எம்எல்ஏக்கள் வீடுகளில் அமலாக்கத் துறை சோதனை

பழங்குடியினர் வளர்ச்சி நிதி மோசடி தொடர்பாக கர்நாடகத்தில் ஆளும் காங்கிரஸ் கட்சியின் எம்.பி., முன்னாள் அமைச்சர் உள்ளிட்ட 3 எம்எல்ஏக்களின் வீடுகளில் அமலாக்கத் துறை அதிகாரிகள் புதன்கிழமை சோதனை நடத்தினர்.

- 

பெல்லாரி/பெங்களூரு, ஜூன் 11:

கர்நாடக அரசுக்குச் சொந்தமான மஹரிஷி வால்மீகி பழங்குடியினர் வளர்ச்சி கழகத்தின் கணக்கு கண்காணிப்பாளராகப் பணியாற்றிய பி.சந்திரசேகரன், 2024ஆம் ஆண்டு மே 21 ஆம் தேதி தனது வீட்டில் தற்கொலை செய்துகொண்டார். அவர் எழுதி வைத்திருந்த மரணக்குறிப்பில், பழங்குடியினர் வளர்ச்சிக் கழகத்தின் ரூ.187.33 கோடி பணம் வேறு வங்கிக் கணக்குகளுக்கு முறைகேடாக மாற்றப்பட்டிருப்பதாக குறிப்பிட்டிருந்தார்.