முஸ்லிம் வாக்கு வங்கிக்காக ஆபரேஷன் சிந்தூரை எதிர்த்தவர் மம்தா

அமித் ஷா குற்றச்சாட்டு

- 

கொல்கத்தா, ஜூன் 1: 'முஸ்லிம் வாக்கு வங்கியைத் தக்கவைப்பதற்காக ஆபரேஷன் சிந்தூர் நடவடிக்கையை மேற்கு வங்க முதல்வர் மம்தா எதிர்த்தார்' என்று மத்திய உள்துறை அமைச்சர் அமித் ஷா குற்றஞ்சாட்டினார்.

மேற்கு வங்க மாநிலத்துக்குப் பயணம் மேற்கொண்ட அவர் ஞாயிற்றுக்கிழமை பாஜக நிர்வாகிகள், தொண்டர்கள் மத்தியில் பேசியதாவது:

வக்ஃப் திருத்தச் சட்டத்துக்கு எதிர்ப்பு என்ற பெயரில் மேற்கு வங்கத்தின் முர்ஷிதாபாதில் நிகழ்த்தப்பட்ட வன்முறை மாநில அரசின் தூண்டுதலால் நடத்தப்பட்டது. தனது முஸ்லிம் வாக்கு வங்கி பாதிக்கப்பட்டுவிடக் கூடாது என்பதற்காக ஆபரேஷன் சிந்தூர் நடவடிக்கையை மம்தா பானர்ஜி எதிர்த்தார்.