குருப் பெயர்ச்சி: கோயில்களில் சிறப்பு வழிபாடு

காரைக்கால், திருவாரூர், மயிலாடுதுறை பகுதி கோயில்களில் குருப் பெயர்ச்சியையொட்டி சிறப்பு வழிபாடு ஞாயிற்றுக்கிழமை நடைபெற்றது.

- 

காரைக்கால்/திருவாரூர்/மயிலாடுதுறை, மே 11:

குருபகவான் ரிஷபராசியிலிருந்து மிதுன ராசிக்கு ஞாயிற்றுக்கிழமை பிற்பகல் 1.19 மணிக்கு பெயர்ச்சி அடைந்ததையொட்டி, காரைக்கால் மாவட்டத்தில் உள்ள கோயில்களில் வழிபாடு நடைபெற்றது.

திருநள்ளாறு தர்பாரண்யேஸ்வரர் கோயிலில் உள்ள தட்சிணாமூர்த்திக்கு வெள்ளிக் கவசம் அணிவித்து பூஜைகள் நடைபெற்றன.

காரைக்கால் ஓப்பிலாமணியர் கோயில், கோயில்பத்து பார்வதீஸ்வரர் கோயில், கைலாசநாதர் கோயில், அண்ணாமலையார் கோயில், திருமலைராயன்பட்டினம் ராஜசோளீஸ்வரர் மற்றும் ஜடாயுபுரீஸ்வரர் கோயில், தலத்தெரு சிவலோகநாத சுவாமி கோயில் தட்சிணாமூர்த்திக்கும், நவகிரக வரிசையில் உள்ள குரு பகவானுக்கும் சிறப்பு அபிஷேக, ஆராதனைகள் நடைபெற்றன.