பாகிஸ்தான் பதற்றத்தை அதிகரித்தால் பதிலடி தீவிரமாகும்

அஜீத் தோவல் எச்சரிக்கை

- நமது சிறப்பு நிருபர்

நமது சிறப்பு நிருபர் புது தில்லி, மே 7: எல்லையில் போர்ப் பதற்றத்தை பாகிஸ்தான் மேலும் அதிகரித்தால் பதிலடி மிகத் தீவிரமாக கொடுக்கப்படும் என்று இந்திய தேசியப் பாதுகாப்பு ஆலோசகர் அஜீத் தோவல் எச்சரித்துள்ளார்.

பாகிஸ்தான் ஆக்கிரமிப்பு காஷ்மீர் மற்றும் பாகிஸ்தான் பகுதியில் பயங்கரவாதிகளின் ஒன்பது முகாம்களை இலக்கு வைத்து இந்தியா செவ்வாய்க்கிழமை நள்ளிரவு அதிதுல்லிய தாக்குதலை நடத்தியது. இதைத் தொடர்ந்து, பயங்கரவாத எதிர்ப்பு நடவடிக்கை குறித்து தனது நட்பு நாடுகளிடம் இந்தியா விளக்கி வருகிறது.