ஓய்வு பெற்ற ஐஏஎஸ் அதிகாரி சகாயத்துக்கு போலீஸ் பாதுகாப்பு ஏன் வழங்கவில்லை? மதுரை மாவட்ட சிறப்பு நீதிமன்றம் கேள்வி

ஓய்வு பெற்ற ஐஏஎஸ் அதிகாரி உ. சகாயத்துக்கு போலீஸ் பாதுகாப்பு ஏன் வழங்கவில்லை? போலீஸ் பாதுகாப்பு மறுக்கப்பட்டால் அவருக்கு துணை ராணுவத்தினரை பாதுகாப்பு அளிக்க உத்தரவிட நேரிடும் என மதுரை மாவட்ட கனிமவளம் தொடர்பான வழக்குகளை விசாரிக்கும் சிறப்பு நீதிமன்றம் திங்கள்கிழமை தெரிவித்தது.

- 

மதுரை, மே 5:

மதுரை மாவட்ட ஆட்சியராக உ. சகாயம் பணிபுரிந்த காலத்தில் மேலூர், விக்கிரமங்கலம் பகுதிகளில் கிரானைட் முறைகேடுகளைக் கண்டறிந்தார். இதில் தமிழக அரசுக்கு கோடிக் கணக்கில் இழப்பீடு ஏற்பட்டிருப்பது தெரிந்தது. இதையடுத்து, கிரானைட் முறைகேட்டில் ஈடுபட்டவர்கள் மீது பல்வேறு காவல் நிலையங்களில் வழக்குகள் பதிவு செய்யப்பட்டன. இந்த வழக்குகள் மேலூர், மதுரை மாவட்ட நீதிமன்றங்களில் விசாரிக்கப்பட்டு வருகின்றன.