கடன் தவணை செலுத்தாததால் அம்பலம்: வீட்டு உரிமையாளரான வங்கதேசத்தவர் கைது

பல்லடம் அருகே கரைப்புதூரில் வீட்டுக் கடன் தவணைத்தொகை செலுத்தாத 7 வீடுகளுக்கு தனியார் நிதி நிறுவனத்தினர் வியாழக்கிழமை 'சீல்' வைத்தனர்.

- 

பல்லடம், மே 2: அப்போது, வீட்டின் உரிமையாளர் வங்கதேசத்தில் இருந்து சட்டவிரோதமாக குடியேறியது தெரிய வந்ததையடுத்து, போலீஸார் அவரைக் கைது செய்தனர்.

திருப்பூர் மாவட்டம், பல்லடம் அருகே கரைப்புதூர் ஊராட்சி எம்.ஏ. நகரில் வசிக்கும் சயன், கீதா தம்பதி, வீடு கட்டுவதற்காக கோவையில் உள்ள தனியார் நிதி நிறுவனத்தில் ரூ.43 லட்சம் கடன் பெற்று 7 வீடுகள் கட்டியுள்ளனர். மாதம் ரூ.63 ஆயிரம் தவணைத்தொகையை கடந்த 2 ஆண்டுகளாக செலுத்தி வந்துள்ளனர். கடந்த 4 மாதங்களுக்கு முன்பு சயனுக்கு உடல்நலம் பாதிக்கப்பட்டு, சென்னையில் உள்ள மருத்துவமனையில் சிகிச்சை பெற்று வந்துள்ளார்.