ஜாதிவாரி கணக்கெடுப்பு அறிவிப்பு கண் துடைப்பு நடவடிக்கை

மத்திய அரசின் ஜாதிவாரி கணக்கெடுப்பு அறிவிப்பு வெறும் கண் துடைப்பு நடவடிக்கைதான் என விடுதலைச் சிறுத்தைகள் கட்சித் தலைவர் தொல். திருமாவளவன் தெரிவித்தார்.

- 

மதுரை, மே 1: மத்திய அரசின் ஜாதிவாரி கணக்கெடுப்பு அறிவிப்பு வெறும் கண் துடைப்பு நடவடிக்கைதான் என விடுதலைச் சிறுத்தைகள் கட்சித் தலைவர் தொல். திருமாவளவன் தெரிவித்தார்.

மதுரை விமான நிலையத்தில் வியாழக்கிழமை செய்தியாளர்களிடம் அவர் தெரிவித்ததாவது:

பிகார் மாநில சட்டப்பேரவைத் தேர்தலில் ஜாதிவாரி கணக்கெடுப்பு என்ற வாக்குறுதியை முன்வைத்து ராகுல் காந்தி தீவிர பிரசாரம் மேற்கொண்டு வருகிறார். நாட்டில் உள்ள அனைத்து அரசியல் கட்சிகளும் இதையே வலியுறுத்துகின்றன. இதன் காரணமாகத்தான் மக்கள் தொகை கணக்கெடுப்புடன் ஜாதிவாரி கணக்கெடுப்பும் நடத்தப்படும் என மத்திய அரசு அறிவித்துள்ளது.