அமித் ஷா - எடப்பாடி பழனிசாமி சந்திப்பு

மத்திய உள்துறை அமைச்சர் அமித் ஷாவை அதிமுக பொதுச் செயலர் எடப்பாடி கே. பழனிசாமி தில்லியில் செவ்வாய்க்கிழமை இரவு சந்தித்தார்.

- நமது சிறப்பு நிருபர்

நமது சிறப்பு நிருபர் புது தில்லி, மார்ச் 25:

சுமார் 2 மணி நேரம் நடைபெற்ற இந்தச் சந்திப்பின்போது, தமிழகத்தில் அடுத்த ஆண்டு நடைபெறவுள்ள சட்டப்பேரவைத் தேர்தலில் அதிமுக-பாஜக கூட்டணி தொடர்பாக பேசப்பட்டது எனக் கூறப்படுகிறது.

அதிமுக பொதுச் செயலர் எடப்பாடி பழனிசாமி செவ்வாய்க்கிழமை பிற்பகலில் தில்லி வந்தார். தில்லியில் நட்சத்திர ஹோட்டலில் தங்கிய அவர், தில்லி சாகேத்தில் புதிதாகத் திறக்கப்பட்ட அதிமுக அலுவலகத்துக்குச் சென்றார். இந்த அலுவலகத்தை எடப்பாடி பழனிசாமி காணொலி வழியாக கடந்த பிப்.10-ஆம் தேதி சென்னையிலிருந்து திறந்து வைத்தார்.