சமூக நலத் திட்டங்களுக்கு முக்கியத்துவம்

தமிழ்நாடு பொருளாதார ஆய்வறிக்கையில் தகவல்

- 

சென்னை, மார்ச் 13: தமிழ்நாட்டில் சமூக நலத் திட்டங்களுக்கான செலவினம் தொடர்ந்து அதிகரிக்கப்பட்டு வருகிறது; கடந்த 4 நிதியாண்டுகளில் சமூக நலத் திட்டங்களுக்காக ரூ.36,141 கோடி கூடுதலாக செலவிடப்பட்டுள்ளது என தமிழ்நாடு பொருளாதார ஆய்வறிக்கையில் தெரிவிக்கப்பட்டுள்ளது.

அதாவது, நான்கு ஆண்டுகளுக்குள் திட்டங்களுக்கான நிதிச் செலவு ரூ.79,859 கோடியில் இருந்து ரூ.1.16 லட்சம் கோடியாக உயர்ந்துள்ளதாக அறிக்கையில் கூறப்பட்டுள்ளது.

தமிழக அரசின் வரலாற்றில் முதல்முறையாக மாநிலத்திற்கான பிரத்யேகமான பொருளாதார ஆய்வறிக்கை வியாழக்கிழமை வெளியிடப்பட்டது. மாநிலத் திட்டக் குழுவால் தயாரிக்கப்பட்ட இந்த ஆய்வறிக்கை தலைமைச் செயலகத்தில் முதல்வர் மு.க.ஸ்டாலினிடம் சமர்ப்பிக்கப்பட்டது. அப்போது, திட்டக் குழு அலுவல்சார் துணைத் தலைவரும் துணை முதல்வருமான உதயநிதி ஸ்டாலின், செயல் துணைத் தலைவர் ஜெ.ஜெயரஞ்சன், தலைமைச் செயலர் நா.முருகானந்தம், நிதித் துறை முதன்மைச் செயலர் த.உதயச்சந்திரன் உள்ளிட்ட பலர் உடனிருந்தனர்.