மகன் அரசியலுக்கு வருவது குறித்து நிதீஷ் குமார் முடிவெடுப்பார்

தனது மகன் அரசியலுக்கு வருவது குறித்து பிகார் முதல்வர் நிதீஷ் குமார்தான் முடிவெடுப்பார் என்று பிகார் மாநில ஊரக மேம்பாட்டுத் துறை அமைச்சர் சரவண் குமார் தெரிவித்துள்ளார்.

- 

பலியா (உபி) பிப். 24:

பிகாரில் இந்த ஆண்டு இறுதியில் சட்டப்பேரவைத் தேர்தல் நடைபெறவுள்ளதால் அங்கு அரசியல் நடவடிக்கைகள் சூடுபிடித்துள்ளன. இந்நிலையில், அண்மையில் பாட்னா விமான நிலையத்தில் செய்தியாளர்களைச் சந்தித்த நிதீஷ் குமாரின் மகன் நிஷாந்த் குமார், நிதீஷ் குமார் தலைமையிலான அரசை மக்கள் மீண்டும் தேர்ந்தெடுக்க வேண்டும் என்று கேட்டுக் கொண்டார். கடந்த மாதமும் இதேபோல தனது தந்தைக்கு ஆதரவாக அவர் பேட்டியளித்தார்.