பாஜக எம்.பி.க்களை நீக்க வேண்டும்

உச்சநீதிமன்றத்தை விமர்சித்து கருத்து தெரிவித்த பாஜக எம்.பி.க்கள் நிஷிகாந்த் துபே, தினேஷ் சர்மா ஆகியோரை கட்சியிலிருந்து நீக்க வேண்டும் என்று காங்கிரஸ் வலியுறுத்தியது.

- 

புதுதில்லி, ஏப். 20:

மேலும், எம்.பி.க்கள் கருத்து கூறியதில் கட்சிக்குத் தொடர்பில்லை என்று பாஜக கூறியிருப்பது அக்கட்சியின் ஒட்டுமொத்த அரசியல் கபட நாடகம் என்று காங்கிரஸ் குற்றஞ்சாட்டியது.

கூறியது என்ன?: வக்ஃப் திருத்தச் சட்டத்துக்கு எதிரான வழக்கில் உச்சநீதிமன்றம் எழுப்பிய கேள்விகள், தமிழக அரசு நிறைவேற்றிய மசோதாக்களுக்கு தனது அதிகாரத்தின் மூலம் உச்சநீதிமன்றம் ஒப்புதல் அளித்தது குறித்து பாஜக எம்.பி.க்கள் நிஷிகாந்த் துபேயும், தினேஷ் சர்மாவும் உச்சநீதிமன்றத்தை விமர்சித்து கருத்து தெரிவித்திருந்தனர்.

முக்கியமாக, 'உச்சநீதிமன்றமே சட்டம் இயற்றினால், நாடாளுமன்றம் மற்றும் பேரவையை மூடி விட வேண்டும். நாட்டில் நிகழும் மதச் சண்டைகளுக்கு தலைமை நீதிபதியே பொறுப்பு' என்று நிஷிகாந்த் துபே கருத்து தெரிவித்தார்.

அரசியல் சாசன சட்டப்படி உச்சநீதிமன்றத்தை விமர்சித்த விவகாரத்தில் காங்கிரஸ் வலியுறுத்தல் மக்களவைக்கோ, மாநிலங்களவைக்கோ யாரும் உத்தரவிட முடியாது. வக்ஃப் திருத்தச் சட்டத்துக்கு குடியரசுத் தலைவர் ஏற்கெனவே ஒப்புதல் அளித்துவிட்டார். அதை யாரும் எதிர்க்க முடியாது. இந்த விஷயத்தில் குடியரசுத் தலைவரே மேலான அதிகாரம் கொண்டவர்' என்று தினேஷ் சர்மா கூறியிருந்தார்.

இந்தக் கருத்துகளில் தங்களுக்கு உடன்பாடில்லை என்றும், உச்சநீதிமன்றத்தின் மீது மிகுந்த மரியாதை வைத்திருப்பதாகவும் பாஜக கூறியிருந்தது.