மீண்டும் 'கரடி' ஆதிக்கம்: சென்செக்ஸ், நிஃப்டி சரிவுடன் நிறைவு!

இந்த வாரத்தின் இறுதி வர்த்தக தினமான வெள்ளிக்கிழமை பங்குச் சந்தையில் 'கரடி' மீண்டும் ஆதிக்கம் கொண்டது.

- நமது நிருபர்

இதையடுத்து, மும்பை பங்குச்சந்தைக் குறியீடான சென்செக்ஸ், தேசிய பங்குச் சந்தைக் குறியீடான நிஃப்டி ஆகியவை சரிவுடன் நிலைபெற்றன.உலகளாவிய சந்தைக் குறிப்புகள் எதிர்மறையாக இருந்தன. இதன் தாக்கம் உள்நாட்டுச் சந்தையிலும் எதிரொலித்தது. மேலும் ஞாயிற்றுக்கிழமை திட்டமிடப்பட்ட மத்திய பட்ஜெட்டுக்கு முன்னதாக முதலீட்டாளர்கள் எச்சரிக்கையான மனநிலையில் இருந்தனர். இதனால், கடந்த 3 நாளாக ஏறுமுகத்தில் இருந்த உள்நாட்டுச் சந்தை வெள்ளிக்கிழமை மீண்டும் 'கரடி'யின் பிடியில் வந்தது.