விறுவிறுப்படையும் விநாயகர் சிலைகள் விற்பனை

விநாயகர் சதுர்த்தி பண்டிகையை முன்னிட்டு, மதுரையில் விநாயகர் சிலைகள் விற்பனை விறுவிறுப்படைந்து வருகிறது.

- 

மதுரை, ஆக. 22:

விநாயகர் சதுர்த்தியையொட்டி, பெரிய அளவிலான, மாறுபட்ட வடிவங்களைக் கொண்ட புதிய விநாயகர் சிலைகளை பிரதிஷ்டை செய்து, இந்தச் சிலைகளை ஊர்வலமாகக் கொண்டு சென்று நீர்நிலைகளில் கரைக்கும் வழக்கம் தமிழகத்தில் கடைப்பிடிக்கப்படுகிறது.

இதன் காரணமாக, தமிழகத்தில் விநாயகர் சிலைகள் விற்பனை ஆண்டுதோறும் அதிகரித்து வருகிறது. வருகிற 27- ஆம் தேதி விநாயகர் சதுர்த்தி பண்டிகை கொண்டாடப்படவுள்ள நிலையில், மதுரை மாவட்டத்தின் அனைத்துப் பகுதிகளிலும் விநாயகர் சிலைகள் விற்பனை தற்போது விறுவிறுப்படைந்து வருகிறது.