ஆளுநரின் மசோதா நிறுத்திவைப்பு அதிகாரங்கள்: மத்திய அரசுக்கு உச்சநீதிமன்ற நீதிபதிகள் கேள்வி

சட்டப்பேரவையில் நிறைவேற்றப்படும் மசோதாக்களுக்கு ஒப்புதல் வழங்காமலும், அதற்குரிய காரணத்தைத் தெரிவிக்காமலும் இருப்பது தொடர்பாக மத்திய அரசு வழக்குரைஞரிடம் உச்சநீதிமன்ற அரசியல் சாசன அமர்வு கேள்வி எழுப்பியது.

- நமது நிருபர்

நமது நிருபர் புது தில்லி, ஆக. 20:

மசோதாக்கள் மீது குடியரசுத் தலைவர், ஆளுநர்கள் ஒப்புதல் வழங்க காலக்கெடு விதித்து உச்சநீதிமன்ற இரண்டு நீதிபதிகள் அமர்வு கடந்த ஏப்ரல் 8-ஆம் தேதி அளித்த தீர்ப்பில் தெளிவுரை கோரும் வகையில் 14 கேள்விகளை உச்சநீதிமன்றத் தலைமை நீதிபதிக்கு எழுப்பி, குடியரசுத் தலைவர் கடந்த மே மாதம் கடிதம் எழுதியிருந்தார். அது தொடர்பாக உச்சநீதிமன்றத் தலைமை நீதிபதி பி.ஆர். கவாய், நீதிபதிகள் சூர்யகாந்த், விக்ரம் நாத், பி.எஸ். நரசிம்மா, அதுல் எஸ். சந்துர்கர் அடங்கிய அரசியல் சாசன அமர்வு இரண்டாம் நாளாக புதன்கிழமை விசாரித்தது.