கோயில் கருவறைக்குள் நுழைந்ததால் வழக்கு; ஜார்க்கண்ட் தலைமைச் செயலர், டிஜிபி மீது உரிமை மீறல் புகார் அளித்த பாஜக எம்.பி.

ஜார்க்கண்ட் மாநிலம் தேவ்கர் நகரில் உள்ள பாபா வைத்தியநாதர் கோயிலின் கருவறைக்குள் வலுக்கட்டாயமாக நுழைந்ததற்காக பாஜக எம்.பி.க்கள் நிஷிகாந்த் துபே, மனோஜ் திவாரி ஆகியோர் மீது வழக்குப் பதிவு செய்யப்பட்டது.

- 

ராஞ்சி, ஆக.9:

இந்நிலையில், அவர்களில் நிஷிகாந்த் துபே அந்த மாநில தலைமைச் செயலர், டிஜிபி ஆகியோர் மீது உரிமை மீறல் புகாரை மக்களவைத் தலைவர் ஓம் பிர்லாவிடம் சனிக்கிழமை அளித்தார்.

கடந்த ஆகஸ்ட் 2-ஆம் தேதி நடைபெற்ற இச்சம்பவத்தில் மத உணர்வுகளைப் புண்படுத்தியதாக பாஜக எம்.பி.க்கள் இருவர் மீது காவல் துறை வழக்குப் பதிவு செய்துள்ளது.