தந்தை - மகன் உறவில் உள்ள எதார்த்தம்!

டுவதும் பிரிவதும்தான் வாழ்க்கை. பிறப்பு, இறப்பு போன்று இரண்டும் மனித வாழ்க்கையில் தவிர்க்க முடியாத அம்சம். எதற்குக் கூடினோம், எப்படி பிரிந்தோம் என்பது இதில் முக்கியமானது.

- -ஜி.அசோக்

டுவதும் பிரிவதும்தான் வாழ்க்கை. பிறப்பு, இறப்பு போன்று இரண்டும் மனித வாழ்க்கையில் தவிர்க்க முடியாத அம்சம். எதற்குக் கூடினோம், எப்படி பிரிந்தோம் என்பது இதில் முக்கியமானது. மனிதனின் வாழ்க்கையில் தொடக்கமும், முடிவும் தனிமைதான். வேலை, பணம், மண், பொருள் என தேடல்கள் வெவ்வேறாக இருந்தாலும், எல்லாரும் கடைசியில் ஏங்கி நிற்பது அன்பு என்ற ஒற்றை வார்த்தைக்குத்தான். 'சாப்பிட்டியா? வெயில்ல அலையாதே? உடம்ப பார்த்துக்கோ...' என எங்கோ கிராமத்தில் இருந்து வந்து விழுகிற வார்த்தைகளுக்காக இன்னும் காத்திருப்பவர்கள் எத்தனை பேர். பரபரப்பும், விறுவிறுப்பும் கூடி விட்ட வாழ்க்கையில் நாமெல்லாம் இழந்து நிற்கிற சொந்தங்களும், பந்தங்களும் எத்தனை... வார்த்தைகளில் ஈர்க்கிறார் ராஜாமோகன். தந்தை - மகன் பாசப் பின்னணியில் உருவாகியிருக்கும் 'ஃபாதர்' படத்தின் இயக்குநர். 'குங்குமப்பூவும் கொஞ்சும் புறாவும்', 'வான வராயன் வல்லவராயன்' படங்களை இயக்கி தமிழ் ரசிகர்களுக்கு அறிமுகமானவர்.

கசிந்துருகும் காதல் கூட காமெடி யாகி விடுகிற காலம் இது... இந்தக் கால கட்டத்தில் தந்தை - மகன் பாசத்தை முன் வைக்கும் கதையை சொல்லுவது சரியாக வருமா...