எதிர்க்கட்சிகளை சிறுமைப்படுத்தினால் மக்கள் சகித்துக்கொள்ள மாட்டார்கள்

எதிர்க்கட்சிகளை சிறுமைப்படுத்தினால், இதைத் தலைவர்கள், மக்கள் சகித்துக்கொள்ள மாட்டார்கள் என அகில இந்திய காங்கிரஸ் கட்சித் தலைவர் மல்லிகார்ஜுன கார்கே தெரிவித்தார்.

- 

ராய்ச்சூரு, ஜூன் 23:

கர்நாடக மாநிலம், ராய்ச்சூரில் திங்கள்கிழமை நடைபெற்ற பல்வேறு வளர்ச்சிப் பணிகளுக்கான அடிக்கல் நாட்டுவிழா மற்றும் ராய்ச்சூரு பல்கலைக்கழகப் பெயர் சூட்டு விழாவில் பங்கேற்று அவர் பேசியதாவது:

அண்மையில் பஹல்காம் பகுதியில் பாகிஸ்தான் தீவிரவாதிகள் 26 பேரை சுட்டுக்கொன்றனர். இதற்குப் பதிலடி கொடுக்கும் வகையில், பாகிஸ்தானில் உள்ள பயங்கரவாதிகளின் இருப்பிடத்தை நமது பாதுகாப்புப் படைகள் தாக்கி, பயங்கரவாதிகளை அழித்தனர். நமது நாட்டைப் பாதுகாக்க, பாதுகாப்புப் படைகளும், நாட்டு மக்களும் ஒன்றுபட்டுப் பணியாற்றினர்.