நடிகர் விஜய் மக்களின் நம்பிக்கையை இழந்துவிட்டார்

திமுக தலைவரும், நடிகருமான விஜய் மக்களின் நம்பிக்கையை இழந்து விட்டார் என மனிதநேய மக்கள் கட்சித் தலைவர் எம்.எச். ஜவாஹிருல்லா குற்றஞ்சாட்டினார்.

- 

மதுரை, ஜூன் 11:

மதுரையில் புதன்கிழமை செய்தியாளர்களிடம் அவர் கூறியதாவது:

இந்தியாவில் உள்ள மக்களவை, மாநிலங்களவை உறுப்பினர்களின் மொத்த எண்ணிக்கை 776 ஆக உள்ளது. இதில் 39 பேர் மட்டுமே முஸ்லிம்கள். மாநிலங்களவை உறுப்பினர்களில் 15 பேர், மக்களவை உறுப்பினர்களில் 24 பேர் மட்டுமே முஸ்லிம்கள். இதன்படி, மாநிலங்களவையில் 6.44 சதவீதமும், மக்களவையில் 4.42 சதவீதமும் மட்டுமே முஸ்லிம்களுக்கு பிரதிநிதித்துவம் அளிக்கப்பட்டுள்ளது.

கடந்த 2021 ஆம் ஆண்டின் தரவுகளின்படி, இந்தியாவின் மொத்த மக்கள் தொகையில் 15 சதவீதம் பேர் முஸ்லிம்கள். ஆனால், இதற்கேற்ற பிரதிநிதித்துவம் மக்களவை, மாநிலங்களவையில் முஸ்லிம்களுக்கு வழங்கப்படுவதில்லை. இதேபோல, சட்டப்பேரவைகளிலும் முஸ்லிம்களுக்கு உரிய பிரதிநிதித்துவம் இல்லை. இந்தியாவில் 4,123 சட்டப்பேரவை உறுப்பினர்கள் உள்ளனர். இவர்களில் 296 பேர் மட்டுமே முஸ்லிம்கள். இதன் சதவீதம் 7.18 மட்டுமே ஆகும். தமிழகத்தில் உள்ள 234 சட்டப்பேரவை உறுப்பினர்களில் 14 பேர் முஸ்லிம் களாக இருக்க வேண்டும். ஆனால், 7 பேர் மட்டுமே முஸ்லிம்கள்.