சொத்துக் குவிப்பு வழக்கு அமைச்சர் துரைமுருகன் மீதான மற்றொரு வழக்கை 6 மாதங்களுக்குள் முடிக்க உத்தரவு

வருமானத்துக்கு அதிகமாக ரூ.1.40 கோடி சொத்துகள் சேர்த்தது தொடர்பான மற்றொரு வழக்கில் அமைச்சர் துரைமுருகன், அவரது மனைவியை விடுவித்த உத்தரவை ரத்து செய்த சென்னை உயர்நீதிமன்றம், அந்த வழக்கை 6 மாதங்களுக்குள் முடிக்குமாறு வேலூர் சிறப்பு நீதிமன்றத்துக்கு உத்தரவிட்டது.

- 

சென்னை, ஏப். 24:

கடந்த 1996 முதல் 2001 காலகட்டத்தில் பொதுப்பணித் துறை அமைச்சராகப் பதவி வகித்த துரைமுருகன் மற்றும் அவரது குடும்பத்தினர் மீது வருமானத்துக்கு அதிகமாக ரூ.3.91 கோடி சொத்து சேர்த்ததாக தொடரப்பட்ட வழக்கில் இருந்து அவர்களை விடுவித்து வேலூர் நீதிமன்றம் 2007-இல் உத்தரவிட்டது.

இந்த நிலையில், இந்த உத்தரவை ரத்து செய்து அடுத்த 6 மாதங்களுக்குள் வழக்கை விசாரித்து முடிக்குமாறு வேலூர் சிறப்பு நீதிமன்றத்துக்கு நீதிபதி பி.வேல்முருகன் புதன்கிழமை உத்தரவிட்டார்.