ஹெச்ஐவி குழந்தைகளுக்கு மாதம் ரூ.1000 உதவித்தொகை

தமிழகத்தில் ஹெச்ஐவி பாதித்த குழந்தைகளுக்கு மாதம் ரூ.1,000 உதவித்தொகை வழங்கப்படும் என மக்கள் நல்வாழ்வுத்துறை அமைச்சர் மா.சுப்பிரமணியன் அறிவித்தார்.

- 

சென்னை, ஏப். 21: தமிழகத்தில் ஹெச்ஐவி பாதித்த குழந்தைகளுக்கு மாதம் ரூ.1,000 உதவித்தொகை வழங்கப்படும் என மக்கள் நல்வாழ்வுத்துறை அமைச்சர் மா.சுப்பிரமணியன் அறிவித்தார்.

பேரவையில் திங்கள்கிழமை அவர் வெளியிட்ட அறிவிப்புகள்:

எடை குறைந்த குழந்தைகள் மற்றும் தொடர் மருத்துவ கவனிப்பு தேவைப்படும் குழந்தைகளுக்கு ரூ.8.07 கோடி மதிப்பில் முதல்வரின் சிசு பாதுகாப்பு பெட்டகம் வழங்கப்படும்.

642 சுகாதார நிலையம்: அனைத்து மாவட்டங்களிலும் மக்கள் தொகைக்கேற்ப 642 நகர மற்றும் கிராம துணை சுகாதார நிலையங்கள் அமைக்கப்படும்.

வாடகை கட்டடத்தில் செயல்படும் 300 துணை சுகாதார நிலையங்களுக்கு ரூ.137.60 கோடி மதிப்பில் புதிய கட்டடங்கள் கட்டித் தரப்படும்.