அமித் ஷாவுடன் செங்கோட்டையன் சந்திப்பு

அதிமுக முன்னாள் அமைச்சர் கே.ஏ.செங்கோட்டையன், தில்லியில் மத்திய அமைச்சர்கள் அமித் ஷா, நிர்மலா சீதாராமன் ஆகியோரைச் சந்தித்தார்.

- நமது சிறப்பு நிருபர்

நமது சிறப்பு நிருபர் புது தில்லி, மார்ச் 29:

அதிமுக பொதுச் செயலர் எடப்பாடி கே.பழனிசாமி கடந்த செவ்வாய்க்கிழமை (மார்ச் 25) இரவு தில்லியில் மத்திய உள்துறை அமைச்சர் அமித் ஷாவை சந்தித்தார். சுமார் 2 மணி நேரம் நடைபெற்ற இச்சந்திப்பின்போது, அதிமுக-பாஜக கூட்டணி தொடர்பாக பேசப்பட்டதாக தகவல்கள் வெளியாகின. ஆனால், அதை எடப்பாடி பழனிசாமி உறுதிப்படுத்தவில்லை. தமிழக மக்கள் சந்திக்கும் பிரச்னைகள் தொடர்பாக உள்துறை அமைச்சரை சந்தித்ததாக அவர் தெரிவித்தார்.

இந்தச் சந்திப்புக்குப் பிறகு தமிழக பாஜக தலைவர் கே.அண்ணாமலை தில்லியில் கடந்த 27- ஆம் தேதி இரவு மத்திய அமைச்சர் அமித் ஷாவை சந்தித்தார்.