காலத்தைக் கடந்தும் வாழும் பொக்கிஷம் ‘கலாரசிகனின் இந்த வாரம்’

‘கலாரசிகனின் இந்த வாரம்’ தொகுப்பு காலத்தைக் கடந்தும் வாழும் பொக்கிஷம் என்றார் சென்னை உயர்நீதிமன்ற நீதிபதி ஆர். சுரேஷ்குமார்.

- 

புதுக்கோட்டை, மார்ச் 22:

புதுக்கோட்டைத் தமிழ்ச் சங்கம் சார்பில் சங்கத் தலைவர் கவிஞர் தங்கம் மூர்த்தி தலைமையில் சனிக்கிழமை நடைபெற்ற ‘தினமணி’ ஆசிரியர் கி. வைத்தியநாதன் எழுதி வரும் ‘கலாரசிகனின் இந்த வாரம்’ தொகுப்பு நூல் அறிமுக விழாவில், நூல்களை வெளியிட்டு சென்னை உயர்நீதிமன்ற நீதிபதி ஆர். சுரேஷ்குமார் பேசியதாவது: ‘கலாரசிகனின் இந்த வாரம்’ தொகுப்பு என்பது சாதாரண ஒன்றல்ல, வரலாற்று ஆவணம். காலத்தைக் கடந்தும் வாழும் பொக்கிஷம். யாரென்றே அறியாத முதல் நிலைக் கவிஞர்களின் கவிதைகளையும்கூட உச்சி முகர்ந்து பாராட்டுகிறது ‘இந்த வாரம்’.