இந்தியா இல்லாமல் வருவாய் இழக்கும் லார்ட்ஸ் மைதானம்

உலக டெஸ்ட் சாம்பியன்ஷிப் இறுதி ஆட்டத்துக்கு இந்தியா தகுதிபெறத் தவறிய நிலையில், அந்த ஆட்டத்துக்கான லார்ட்ஸ் மைதானத்தின் வருவாயில் சுமார் ரூ.45 கோடி இழப்பு ஏற்படும் என கணக்கிடப்பட்டுள்ளது.

- 

லண்டன், மார்ச் 12: உலக டெஸ்ட் சாம்பியன்ஷிப் இறுதி ஆட்டத்துக்கு இந்தியா தகுதிபெறத் தவறிய நிலையில், அந்த ஆட்டத்துக்கான லார்ட்ஸ் மைதானத்தின் வருவாயில் சுமார் ரூ.45 கோடி இழப்பு ஏற்படும் என கணக்கிடப்பட்டுள்ளது.

டெஸ்ட் கிரிக்கெட் விளையாடும் அணிகளுக்காக உலக டெஸ்ட் சாம்பியன்ஷிப்பை ஐசிசி கடந்த 2019-இல் அறிமுகம் செய்தது. இந்தப் போட்டி 2 ஆண்டுகளுக்கு நடத்தப்பட்டு, அந்த சுழற்சி முடிவில் இறுதி ஆட்டம் நடத்தப்படுகிறது. போட்டி அட்டவணை முடிவில் புள்ளிகள் பட்டியலில் முதல் இரு இடங்களைப் பிடிக்கும் அணிகள் இறுதி ஆட்டத்துக்கு முன்னேறும். அதில் வெல்லும் அணி, உலக டெஸ்ட் சாம்பியன் பட்டத்தை கைப்பற்றும்.