வாழ வைக்கும் வள்ளல்

இன்ப, துன்பம் கலந்ததுதான் மனித வாழ்க்கை.

- திருமேனி நாகராசன்

இன்பம் வரும் பொழுது மனித மனம் மகிழ்கிறது. துன்பம் வந்து விட்டால் வருந்துகிறது. தொடர்ந்து துன்பத்தில் கடந்து வரு கின்றவனை சனி பிடித்துக் கொண்டு ஆட்டிப் படைக்கிறது என்று சொல் வது உண்டு. இதனை மங்கு சனி என் பது வழக்கம்.வறியவன் ஒருவன் செல்வனாகி, மென்மேலும் பொருள் செல்வத் தைக் குவித்து, வளமான வாழ்வினைத் துய்த்து வந்தாலும் அவனுக்கு சனி திசை நடக்கிறது என்றுதான் சொல் வார்கள். அதனை பொங்கு சனி என் பர். ஒருவனை வீழ வைப்பதும் சனி; ஒருவனை வாழ வைப்பதும் சனி.

இந்த சனி பகவான் சிறப்புமிக்க தெய்வமாக வழிபடப்படும் தலம் திருநள்ளாறு. இது காவிரி தென்கரை யில் உள்ள 52ஆவது திருத்தலமாகும்.

திருநள்ளாறு சைவத்திருமுறைக ளில் பேசப்படும் திருத்தலமாகும். சம் பந்தரும் அப்பரும் சுந்தரரும் இவ் வூரினைப் பாடியுள்ளதால் இதன் தொன்மை புலப்படும். நல்லாறு என் பதற்கு அரிசிலாற்றுக்கும் நூலாற்றுக் கும் நடுவில் இருக்கும் தலம் என்பது பொருள்.

திருநள்ளாற்றின் இதயம் போல் ஊரின் நடுவில் அமைந்திருக்கிறது திருக்கோயில். வானளாவி நிற்கும் ராஜகோபுரம் 85 அடி உயரம் கொண்டு விளங்குகிறது.