விவசாயிகளின் களங்களாகும் எண்ம தளங்கள்!

பேராசிரியர் தி.ஜெயராஜசேகர்

- 

இந்தியாவில் இரண்டு ஹெக்டேருக்கும் குறைவான நிலத்தை வைத்திருக்கும் கோடிக்கணக்கான சிறு மற்றும் குறு விவசாயிகள் நிச்சயமற்ற எதிர்காலத்தை எதிர் கொள்கின்றனர். ஒழுங்கற்ற மழைப்பொழிவு, காலநிலை மாற்றம், அதிகரித்துவரும் உள்ளீட்டுச் செலவுகள், குறைந்த சந்தை அணுகல் மற்றும் இடைத்தரகர்களின் சுரண்டல் போன்ற சவால்கள் காரணமாகத் தேசத்துக்கு உணவளிக்கும் விவசாயிகள் வறுமையில் வாடுகின்றனர்.

இந்தக் கடன் சுழற்சி வறுமைக்குக் காரணமாக அமைகிறது. இந்திய விவசாயிகளின் எண்ணிக்கையில் 85 சதவீதத்துக்கு அதிகமாக இருக்கும் சிறு மற்றும் குறுவிவசாயிகள் நிகர விதைப்புப் பரப்பளவில் கிட்டத்தட்ட 45 சதவீதத்தில் பயிரிடுகின்றனர் என 2015-16-ஆம் ஆண்டு வெளியான விவசாய மக்கள்தொகை கணக்கெடுப்பு கூறுகிறது. இருப்பினும் இவர்கள் வாழ்வாதாரத்திற்கு போதுமான வருமானத்தைப் பெறுவதில்லை.

நம்பகமான நீர்ப்பாசனம் இன்றி ஒழுங்கற்ற பருவமழையைச் சார்ந்துள்ள விவசாயிகளுக்கு விவசாயம் நிதிச் சுமையை ஏற்படுத்துகிறது. அதிகரித்து வரும் உரங்கள், விதை கள் மற்றும் எரிபொருளுக்கான செலவு லாபத்தைக் குறைப்பதுடன் மறுமுதலீட்டுக் கான வாய்ப்பினையும் மங்கச்செய்கிறது.