இந்தியா-பிரிட்டன் தடையற்ற வர்த்தக ஒப்பந்தம்

பிரதமர் மோடி அறிவிப்பு

- 

புது தில்லி, மே 6: இந்தியா-பிரிட்டன் இடையே தடையற்ற வர்த்தக ஒப்பந்தம் (எஃப்டிஏ) வெற்றிகரமாக இறுதி செய்யப்பட்டது. விரைவில் இந்த ஒப்பந்தத்தில் இரு நாடுகளும் கையொப்பமிடும்.

கடந்த மூன்று ஆண்டுகளாக நடைபெற்று வந்த பேச்சுவார்த்தையில் தற்போது இறுதி முடிவு எட்டப்பட்டது தொடர்பான அறிவிப்பை, பிரிட்டன் பிரதமர் கியர் ஸ்டார்மருடன் செவ்வாய்க்கிழமை தொலைபேசியில் பேசிய பின் பிரதமர் நரேந்திர மோடி வெளியிட்டார்.

மேலும், ஒரே வருமானத்தின் மீது இரு நாடுகளிலும் விதிக்கப்படும் வரிக்கு விலக்கு அளிக்கும் சமூகப் பாதுகாப்பு ஒப்பந்த (இரட்டைப் பங்களிப்பு ஒப்பந்தம்) பேச்சுவார்த்தையும் நிறைவடைந்ததாக பிரதமர் தெரிவித்தார்.