பங்குச்சந்தையில் எழுச்சி

இந்த வாரத்தின் இரண்டாவது வர்த்தக தினமான செவ்வாய்க்கிழமையும் பங்குச்சந்தையில் 'காளை'யின் ஆதிக்கம் தொடர்ந்தது.

- நமது நிருபர்

நமது நிருபர் மும்பை / புது தில்லி, ஆக. 19: இந்த வாரத்தின் இரண்டாவது வர்த்தக தினமான செவ்வாய்க்கிழமையும் பங்குச்சந்தையில் 'காளை'யின் ஆதிக்கம் தொடர்ந்தது.

இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் லாபத்துடன் முடிவடைந்தன.

உலகளாவிய சந்தைக் குறிப்புகள் கலவையாக இருந்தன. இருப்பினும், உள்நாட்டுச் சந்தை உற்சாகத்துடன் தொடங்கி பெரிய அளவில் கீழே செல்லவில்லை. ஜிஎஸ்டியில் சீர்திருத்தங்களுக்கான திட்டங்கள் மற்றும் புவிசார் அரசியல் கவலைகள் தணிந்து வருவது ஆகியவற்றால் சந்தையில் நம்பிக்கை நிலவி வந்தது.