தொல்லியல் ஆய்வுகள் மூலம்தான் வரலாற்றைக் கட்டமைக்க முடியும்

தொல்லியல் ஆய்வுகள் மூலம்தான் வரலாற்றைக் கட்டமைக்க முடியும் என்று இந்திய தொல்லியல் ஆய்வுத் துறை இயக்குநர் கி.அமர்நாத் ராமகிருஷ்ணா கூறினார்.

- 

ஈரோடு, ஆக.10:

தமிழக அரசு மற்றும் மக்கள் சிந்தனைப் பேரவை சார்பில் நடத்தப்படும் ஈரோடு புத்தகத் திருவிழா ஈரோடு சிகப்பு அரசு கலை, அறிவியல் கல்லூரியில் கடந்த 1-ஆம் தேதி தொடங்கியது.

இந்தப் புத்தகத் திருவிழா வரும் 12-ஆம் தேதி வரை நடைபெறுகிறது. இதையொட்டி, நாள்தோறும் மாலை யில் சிந்தனை அரங்க நிகழ்வு நடைபெற்று வருகிறது.

அதன்படி, ஞாயிற்றுக்கிழமைமாலை நடைபெற்ற சிந்தனை அரங்க நிகழ்வுக்கு தொழிலதிபர் விவேக் கார்த்தி தலைமை வகித்தார். மக்கள் சிந்தனைப் பேரவைத் தலைவர் த.ஸ்டாலின் குணசேகரன் அறிமுகவுரையாற்றினார்.

‘சங்கத் தமிழின் தொன்மை’ என்ற தலைப்பில் இந்திய தொல்லியல் ஆய்வுத் துறை இயக்குநர் கி.அமர்நாத் ராமகிருஷ்ணா பேசியதாவது: தமிழ் இனம் தனது தொன்மையைத் தேடிக்கொண்டிருக்கிறது. அந்த தொன்மைக்கான ஆதாரங்கள்தான் இப்போது கிடைத்துக் கொண்டிருக்கின்றன. கீழடி ஆய்வு அறிக்கையை வெளியிட்டால் மக்களுக்குத்தான் போய்ச்சேரும்.