ஏற்காடு கோடை விழா மே 23-இல் தொடக்கம்

ஏற்காடு கோடை விழா வரும் 23-ஆம் தேதி தொடங்கி 29-ஆம் தேதி வரை நடைபெறும் என சுற்றுலாத் துறை அமைச்சர் ரா.ராஜேந்திரன் தெரிவித்தார்.

- 

சேலம், மே 13:

ஏற்காட்டில் 48-ஆவது கோடை விழா மற்றும் மலர் கண்காட்சி முன்னேற்பாடு பணிகள் குறித்து அனைத்துத் துறை அரசு அலுவலர்களுடனான ஆலோசனைக் கூட்டம் அமைச்சர் ரா.ராஜேந்திரன் தலைமையில் மாவட்ட ஆட்சியர் அலுவலகத்தில் செவ்வாய்க்கிழமை நடைபெற்றது.

கூட்டத்துக்குப் பின்னர் அமைச்சர் செய்தியாளர்களிடம் கூறியதாவது: ஏற்காட்டில் சுற்றுலாப் பயணிகளை மகிழ்விக்கும் வகையில் ஆண்டுதோறும் கோடைவிழா மற்றும் மலர் கண்காட்சி சிறப்பாக நடத்தப்பட்டு வருகிறது. அந்தவகையில், இந்த ஆண்டு 48-ஆவது ஏற்காடு கோடை விழா மற்றும் மலர் கண்காட்சி வரும் 23-ஆம் தேதி தொடங்கி 29-ஆம் தேதி வரை 7 நாள்கள் நடைபெறவுள்ளது.