பிம்ஸ்டெக் நாடுகளிடையே ஒத்துழைப்பை ஊக்குவிக்க 21 முன்மொழிவுகள்: பிரதமர் மோடி பரிந்துரை

'பிம்ஸ்டெக்' கூட்டமைப்பு நாடுகளிடையே ஒத்துழைப்பை மேலும் ஊக்குவிக்கும் வகையில், இந்த நாடுகளிடையே இந்தியாவின் ஒருங்கிணைந்த பணப் பரிவர்த்தனை (யுபிஐ) நடைமுறையில் பணப் பரிவர்த்தனையை மேற்கொள்வது உள்ளிட்ட 21 முன்மொழிவுகளை பிரதமர் நரேந்திர மோடி வெள்ளிக்கிழமை பரிந்துரைத்தார்.

- 

பாங்காக், ஏப். 4:

உலக நன்மைக்கு இந்த அமைப்பும், அதன் நாடுகளிடையேயான ஒத்துழைப்பும் மிக அவசியம்' என்றும் பிரதமர் சுட்டிக் காட்டினார்.

தாய்லாந்து தலைநகர் பாங்காக்கில் வெள்ளிக்கிழமை நடைபெற்ற இந்தியா, வங்கதேசம், பூடான், மியான்மர், நேபாளம், இலங்கை, தாய்லாந்து ஆகிய நாடுகளை உள்ளடக்கிய 'பிம்ஸ்டெக் (பல்துறை தொழில்நுட்ப மற்றும் பொருளாதார ஒத்துழைப்புக்கான வங்காள விரிகுடா முன்னெடுப்பு) அமைப்பின் உச்சிமாநாட்டில் பங்கேற்ற பிரதமர் மோடி பேசியதாவது:

திறன் மேம்பாட்டு கட்டமைப்புகளுக்கு சிறந்த உதாரணமாகத் திகழும் ஆற்றலை 'பிம்ஸ்டெக்' பெற்றுள்ளது. உறுப்பு நாடுகளிடையே உள்ள திறன்களை ஒருவருக்கொருவர் கற்றுக்கொண்டு, பொருளாதாரத்தில் வளரவேண்டும். அந்த வகையில் சில பரிந்துரைகளை இங்கு முன்மொழிகிறேன்.

உறுப்பு நாடுகளிடையே வர்த்தகத்தை ஊக்குவிக்கும் வகையில் 'பிம்ஸ்டெக் வர்த்தகசபை'யை உருவாக்கி, வருடாந்திர வர்த்தக மாநாடுகளை நடத்துவது, பிராந்தியத்துக்குள் அந்த நாடுகளின் கரன்சியில் வர்த்தகத்தை ஊக்குவிப்பதற்கான முயற்சிகள் மேற்கொள்ளப்பட வேண்டும்.