வங்கதேச ஹிந்துக்களின் பாதுகாப்பை உறுதிப்படுத்த வேண்டும்

வங்கதேசத்தில் ஹிந்துக்களின் பாதுகாப்பை உறுதிப்படுத்த வேண்டும் என்று அந்த நாட்டின் தலைமை ஆலோசகர் முகமது யூனுஸிடம் பிரதமர் நரேந்திர மோடி வலியுறுத்தினார்.

- 

பாங்காக், ஏப். 4: வங்கதேசத்தில் ஹிந்துக்களின் பாதுகாப்பை உறுதிப்படுத்த வேண்டும் என்று அந்த நாட்டின் தலைமை ஆலோசகர் முகமது யூனுஸிடம் பிரதமர் நரேந்திர மோடி வலியுறுத்தினார்.

தாய்லாந்து தலைநகர் பாங்காக்கில் வெள்ளிக்கிழமை நடைபெற்ற 'பிம்ஸ்டெக்' உச்சி மாநாட்டில் பங்கேற்ற பிரதமர் மோடி, மாநாட்டுக்கு இடையே உறுப்பு நாடுகளின் தலைவர்களை தனித்தனியாகச் சந்தித்து ஆலோசனை மேற்கொண்டார்.

வங்கதேச தலைமை ஆலோசகர் முகமது யூனுஸையும் பிரதமர் சந்தித்து ஆலோசனை மேற்கொண்டார். அந்நாட்டின் முன்னாள் பிரதமர் ஷேக் ஹசீனா இந்தியாவில் தஞ்சமடைந்துள்ள நிலையில், இரு நாடுகளிடையேயான உறவில் தற்போது பாதிப்பு ஏற்பட்டுள்ளது.