மகா கும்பமேளா பணியாளர்களுக்கு முதல்வர் யோகி கௌரவம்

மகா கும்பமேளாவின் வெற்றிகரமான நிறைவையொட்டி, பிரயாக்ராஜில் வியாழக்கிழமை நடைபெற்ற நிகழ்ச்சியில் தூய்மை, சுகாதாரப் பணியாளர்களுக்கு சான்றிதழ் வழங்கி முதல்வர் யோகி ஆதித்யநாத் கௌரவித்தார்.

- 

பிரயாக்ராஜ்/லக்னௌ, பிப். 27:

உத்தர பிரதேச மாநிலம், பிரயாக்ராஜில் உள்ள திரிவேணி சங்கமத்தில் மகா கும்பமேளா கடந்த ஜன. 13 தொடங்கி 45 நாள்களுக்கு நடைபெற்றது. 66 கோடிக்கும் மேற்பட்டவர்கள் பங்கேற்று புனித நீராடிய இக்கோலாகல நிகழ்வு புதன்கிழமையுடன் வெற்றிகரமாக நிறைவடைந்தது.

இந்நிலையில், பிரயாக்ராஜில் கும்பமேளா பணியிலிருந்த தூய்மை மற்றும் சுகாதாரப் பணியாளர்களுக்கு சான்றிதழ்கள் வழங்கி கௌரவிக்கும் நிகழ்ச்சி வியாழக்கிழமை நடைபெற்றது.

இதில் கலந்து கொண்ட முதல்வர் யோகி ஆதித்யநாத் பேசியதாவது: பிரதமர் நரேந்திர மோடியின் விருப்பத்தின்படி இந்த பிரம்மாண்டமான மற்றும் தெய்வீக கும்பமேளாவை உலகளாவிய நிகழ்வாக மாற்றுவதற்காக, பல்வேறு துறைகள் முக்கியப் பங்காற்றின.