நீர்நிலைகளை புனரமைக்க புதிய வழிகாட்டுதல்கள் வெளியீடு

தமிழகத்தில் பெரு நிறுவன சமூகப் பங்களிப்புத் திட்டத்தின் கீழ் நீர்நிலை புனரமைப்புப் பணிகளை மேற்கொள்வதற்கான வழிகாட்டுதல்களை அரசு வெளியிட்டுள்ளது.

- 

குறிப்பாக, புதிய ஊரக வேலை உறுதியளிப்புத் திட்டத்தின் கீழ் அந்த நிதி ஆதாரத்தைப் பயன்படுத்தி பணிகளை மேற்கொள்ளலாம் என்று தெரிவிக்கப்பட்டுள்ளது.

இது தொடர்பாக அரசு வெளியிட்ட செய்திக் குறிப்பு:

ஊரக வளர்ச்சி மற்றும் ஊராட்சித் துறையின் கீழ் சுமார் 22,051 சிறுபாசன ஏரிகள் மற்றும் 69,777 குளங்கள் மற்றும் ஊரணிகள் உள்ளன. இந்த நீர்நிலைகள் மகாத்மா காந்தி தேசிய ஊரக வேலை உறுதித் திட்டம், அனைத்து கிராம அண்ணா மறுமலர்ச்சித் திட்டம் உள்ளிட்ட பல்வேறு அரசுத் திட்டங்களின் மூலம் புனரமைக்கப்பட்டு வருகின்றன. இருப்பினும், கணிசமான எண்ணிக்கையிலான நீர்நிலைகளின் இயல்பான நீர் தேக்கம் முழுமையாக மீட்டெடுக்கப்படவில்லை.