ஐஎஸ்ஐஎஸ் தீவிரவாத அமைப்புடன் தொடர்புடைய 2 பேர் கைது: தில்லி போலீஸார் தகவல்

தில்லி காவல் துறையின் சிறப்புப் பிரிவு, ஜார்க்கண்ட் பயங்கரவாத எதிர்ப்புப் படை மற்றும் ராஞ்சி காவல்துறை ஆகியவை பல்வேறு மாநிலங்களில் மேற்கொண்ட கூட்டு நடவடிக்கையின்போது ஐஎஸ்ஐஎஸ் தீவிரவாதிகள் என சந்தேகிக்கப்படும் இருவரை கைது செய்துள்ளதாக புதன்கிழமை அதிகாரி ஒருவர் தெரிவித்தார்.

- நமது நிருபர்

நமது நிருபர் புது தில்லி, செப்.10:

பொகாரோவைச் சேர்ந்த ஆஷர் டேனிஷ் என அடையாளம் காணப்பட்ட பிரதான குற்றம்சாட்டப்பட்ட நபர், ராஞ்சியில் கைது செய்யப்பட்டதாக அதிகாரி தெரிவித்தார்.

ஐஎஸ்ஐஎஸ் தீவிரவாத அமைப்புடன் தொடர்புடையது சம்பந்தமாக தில்லி காவல் துறை சிறப்புப் பிரிவு பதிவு செய்த வழக்கில் டேனிஷ் தேடப்பட்டு வந்தார்.