வன விலங்கை வேட்டையாட வந்த பெண் உள்பட 5 பேருக்கு ரூ.10 லட்சம் அபராதம்

கோத்தகிரி அருகே உள்ள அளக்கரை ரேலியா வனப் பகுதியில் ஞாயிற்றுக்கிழமை இரவு துப்பாக்கியுடன் வாகனத்தில் வந்த கர்நாடக மாநிலத்தைச் சேர்ந்த ஒரு பெண் உள்பட ஐந்து பேரை வனத் துறையினர் கைது செய்து அவர்களிடம் இருந்த துப்பாக்கி, தோட்டாக்களை பறிமுதல் செய்து ரூ.10 லட்சம் அபராதம் விதித்தனர்.

- 

உதகை, ஜூலை 7:

நீலகிரி மாவட்டத்தில், கேரளத்தில் இருந்து வந்து வன விலங்குகளை வேட்டையாடும் கும்பல் ஆங்காங்கே பிடிபட்டு வரும் நிலையில், கட்டபெட்டு வனச் சரகத்துக்கு உள்பட்ட ரேலியா பகுதியில் கட்டப்பட்டு வனச் சரகர் சீனிவாசன் தலைமையில் வனத் துறையினர் ரோந்துப் பணியில் ஞாயிற்றுக்கிழமை இரவு ஈடுபட்டிருந்தனர்.