உலக சுகாதார அமைப்புக்கு அரசு மருத்துவர்கள் கடிதம்

தமிழக அரசு மருத்துவமனைகளில் நோயாளிகளின் எண்ணிக்கைக்கு ஏற்ப மருத்துவர்கள் இல்லை என்று உலக சுகாதார அமைப்புக்கு தமிழக அரசு மருத்துவர்கள் கடிதம் அனுப்பியுள்ளனர்.

- 

சென்னை, மே 18:

இது தொடர்பாக உலக சுகாதார அமைப்பின் இந்திய பிரதிநிதி டாக்டர் ரோடரிக்கோ ஆப்ரினுக்கு, அரசு சட்டப் போராட்டக்குழுத் தலைவர் டாக்டர் எஸ். பெருமாள் பிள்ளை எழுதியுள்ள கடிதம்:

தமிழகத்தில் பேறுகால இறப்பு, சிசு உயிரிழப்புகளை மருத்துவத்துறையினர் வெகுவாகக் குறைத்துள்ளனர். குறிப்பாக, பேறுகால இறப்பு விகிதத்தை குறைப்பதற்காக உலக சுகாதார அமைப்பு நிர்ணயித்த 2030-க்கான இலக்கை 10 ஆண்டுகள் முன்னதாகவே எட்டியுள்ளோம்.