காங்கிரஸ் எம்எல்ஏவை விமர்சித்த பாஜக தொண்டர் தற்கொலை

காங்கிரஸ் எம்எல்ஏவை விமர்சனம் செய்து, அது தொடர்பான வழக்கில் கைதாகி ஜாமீனில் வெளியே வந்த பாஜக தொண்டர் வினய் சோமையா வெள்ளிக்கிழமை தற்கொலை செய்துகொண்டார்.

- 

பெங்களூரு, ஏப். 4:

கர்நாடக முதல்வரின் சட்ட ஆலோசகரும், விராஜ்பேட் தொகுதி காங்கிரஸ் எம்எல்ஏவுமான ஏ.எஸ்.பொன்னன்னாவை 'வாட்ஸ் ஆப்' குழு ஒன்றில் கடுமையாக விமர்சனம் செய்தது தொடர்பாக வழக்குப் பதிவு செய்த மடிக்கேரி போலீஸார், அந்த வாட்ஸ் ஆப் குழுவின் அட்மினான பாஜக தொண்டர் வினய் சோமையாவை கைதுசெய்தனர். பின்னர் அவர் ஜாமீனில் வெளியே வந்த நிலையில், பெங்களூரில் உள்ள தனது அலுவலகத்தில் வெள்ளிக்கிழமை தற்கொலை செய்து கொண்டார்.