காலிறுதியில் ஜோகோவிச், ஃப்ரிட்ஸ்

மியாமி ஓபன் மாஸ்டர்ஸ் டென்னிஸ் போட்டியில், உலகின் முன்னணி வீரரான செர்பியாவின் நோவக் ஜோகோவிச், அமெரிக்காவின் டெய்லர் ஃப்ரிட்ஸ் ஆகியோர் காலிறுதிச்சுற்றுக்கு புதன்கிழமை முன்னேறினர்.

- 

மியாமி கார்டன்ஸ், மார்ச் 26: மியாமி ஓபன் மாஸ்டர்ஸ் டென்னிஸ் போட்டியில், உலகின் முன்னணி வீரரான செர்பியாவின் நோவக் ஜோகோவிச், அமெரிக்காவின் டெய்லர் ஃப்ரிட்ஸ் ஆகியோர் காலிறுதிச்சுற்றுக்கு புதன்கிழமை முன்னேறினர்.

ஆடவர் ஒற்றையர் காலிறுதிக்கு முந்தைய சுற்றில், 24 கிராண்ட்ஸ்லாம் பட்டங்கள் வென்ற ஓரே வீரரான ஜோகோவிச் 6-2, 6-2 என்ற நேர் செட்களில் மிக எளிதாக, போட்டித்தரவரிசையில் 15-ஆம் இடத்திலிருந்த இத்தாலியின் லொரென்ஸோ முசெத்தியை வீழ்த்தினார்.

உலகின் 5-ஆம் நிலை வீரரான ஜோகோவிச் காலிறுதியில், அமெரிக்காவின் செபாஸ்டியன் கோர்டாவை சந்திக்கிறார். போட்டித்தரவரிசையில் 24-ஆம் இடத்திலிருக்கும் கோர்டா முந்தைய சுற்றில் 6-4, 2-6, 6-4 என்ற செட்களில் பிரான்ஸின் கேல் மான்ஃபில்ஸை வெளியேற்றினார்.