மேற்கு வங்கம்: இடதுசாரிகள்-திரிணமூல் காங்கிரஸ் மாணவரணி இடையே கடும் மோதல்

பலர் காயம்; கல்வி நிலையங்கள் மூடல்

- 

கொல்கத்தா, மார்ச் 3: மேற்கு வங்கத்தில் இடதுசாரி அமைப்புகளைச் சேர்ந்த பல்வேறு மாணவர் அணிக்கும், திரிணமூல் காங்கிரஸ் மாணவர் அணிக்கும் இடையே திங்கள்கிழமை கடும் மோதல் ஏற்பட்டது.

இதில் பலர் காயமடைந்தனர்; பல இடங்களில் உயர்கல்வி நிலையங்கள் மூடப்பட்டன.

மாநில கல்வி அமைச்சர் பிரத்யா பாஸு பதவி விலகக் கோரி மேதினிபூர், சிலிகுரி உள்ளிட்ட பல்வேறு மாவட்டங்களில் உள்ள பல்கலைக்கழக வளாகங்களில் வகுப்புகளைப் புறக்கணிக்கும் போராட்டத்தில் மார்க்சிஸ்ட் கம்யூனிஸ்ட் கட்சியின் மாணவர் பிரிவான இந்திய மாணவர் கூட்டமைப்பு (எஸ்எஃப்ஐ) திங்கள்கிழமை ஈடுபட்டது.