இந்தியா-மலேசியா 11 ஒப்பந்தங்கள்

உள்ளூர் கரன்சியில் வர்த்தகத்தை ஊக்குவிக்க முடிவு

- 

இந்தியா, மலேசியா இடையே பல்வேறு துறைகளில் இருதரப்பு ஒத்துழைப்பை மேம்படுத்த 11 ஒப்பந்தங்கள் கையொப்பமாகின.

வர்த்தகம் மற்றும் முதலீடுகளில் உள்ளூர் கரன்சி (ரூபாய், ரிங்கிட்) பயன்பாட்டை ஊக்குவிக்க இரு நாடுகளும் முடிவு செய்துள்ளன.

மலேசிய தலைநகர் கோலாலம்பூரில் பிரதமர் நரேந்திர மோடி மற்றும் அந்த நாட்டு பிரதமர் அன்வர் இப்ராஹிம் இடையே ஞாயிற்றுக்கிழமை நடைபெற்ற இருதரப்பு உயர்நிலைப் பேச்சுவார்த்தையில் இந்த முடிவு மேற்கொள்ளப்பட்டது. வர்த்தகம்-முதலீடு, நவீன தொழில்நுட்பங்கள், செமி கண்டக்டர் போன்ற முன்னுரிமைத் துறைகளில் இருதரப்பு உறவை விரிவுபடுத்த ஒப்புக்கொள்ளப்பட்டது.